Krijim faqe interneti
Krijim faqe interneti për biznese në Tiranë dhe në gjithë Shqipërinë. Dizajnin dhe kodin i bëjmë nga e para, që website-i juaj të duket si biznesi juaj dhe jo si qindra të tjerë.
Klientët ju kërkojnë në Google përpara se t'ju telefonojnë. Nëse faqja hapet ngadalë ose nuk thotë qartë çfarë bëni, ata kalojnë te tjetri.
Çfarë përfshin ndërtimi i faqes
Struktura dhe tekstet
Vendosim bashkë cilat faqe ju duhen dhe çfarë thotë secila. Tekstet i shkruajmë ose i rregullojmë me ju.
Dizajn vetëm për ju
Ngjyrat, shkronjat dhe fotot ndërtohen rreth markës suaj, jo mbi një temë të gatshme.
I shpejtë në çdo telefon
Faqja hapet menjëherë dhe lexohet mirë në ekranin e vogël, nga ku vijnë shumica e vizitorëve.
Gati për Google
Çdo faqe ka titullin dhe përshkrimin e vet, dhe website-i lidhet me Google Search Console që ditën e parë.
Tekstet dhe çmimet i ndryshoni vetë
Nëse doni, ju japim një panel të thjeshtë për çmimet, orarin dhe njoftimet, pa rrezik ta prishni dizajnin.
Për kë është
- Biznese që nuk kanë ende website
- Biznese që sot shfaqen vetëm në Instagram ose Facebook
- Profesionistë dhe studio që duan një faqe serioze
- Kompani që hapin një degë ose shërbim të ri
Sa kushton krijimi i një faqe interneti?
Nuk kemi listë çmimesh, sepse dy website rrallë janë njësoj. Çmimi varet nga katër gjëra, dhe pas bisedës së parë i merrni të gjitha me shkrim, në një ofertë me çmim fiks.
Numri i faqeve
Një faqe e vetme me të gjitha informacionet kushton më pak se një website me një faqe për çdo shërbim.
Tekstet
Nëse tekstet i keni gati, puna është më e shkurtër. Nëse i shkruajmë ne, kjo përfshihet në ofertë.
Një apo dy gjuhë
Një website në shqip dhe anglisht ka më shumë tekst për të shkruar dhe për të kontrolluar.
Funksionet
Formular kontakti, galeri, rezervim në WhatsApp ose panel për ndryshimet tuaja. Secili e rrit pak çmimin.
Pyetje për krijimin e faqes
Sa faqe duhet të ketë website-i im?
Për shumicën e bizneseve mjaftojnë katër deri në gjashtë: kryefaqja, shërbimet, disa foto pune, rreth nesh dhe kontakti. Numrin e saktë e vendosim bashkë në bisedën e parë.
A i shkruani ju tekstet?
Po, nëse doni. Ju na tregoni për biznesin, ne i shkruajmë tekstet në shqip dhe ju i miratoni. Nëse i keni gati, i rregullojmë që të lexohen mirë dhe të gjenden më lehtë në Google.
Sa kohë duhet për krijimin e një faqe interneti?
Një website prezantues zakonisht është gati brenda disa javësh. Afati i saktë shkruhet në ofertë. Më shpesh puna pret për tekstet dhe fotot, ndaj i mbledhim që në fillim.
A më duhet domain dhe hosting?
Po, të dyja. Nëse nuk i keni, i regjistrojmë në emrin tuaj, që të jenë gjithmonë tuajat. Nëse i keni, website-in e ri e lidhim me to.
A mund ta kem website-in në shqip dhe në anglisht?
Po. Shumica e faqeve që kemi ndërtuar janë në të dyja gjuhët. Çdo gjuhë ka adresat e veta, që Google t'ua tregojë secilën njerëzve të duhur.
A më duhet website nëse kam Instagram?
Instagram është i mirë për ndjekësit. Kur ju kërkon në Google dikush që nuk ju njeh, del faqja e internetit. Website-i mban çmimet, orarin dhe kontaktin në një vend, dhe është në emrin tuaj.
Udhëzues për website-in tuaj
Si punojmë: çmim fiks dhe afat me shkrim
Bisedojmë
Rreth gjysmë ore, falas dhe pa detyrim. Na tregoni çfarë bën biznesi, kush janë klientët dhe çfarë ju duhet.
Ofertë me çmim fiks
Shkruajmë saktësisht çfarë përfshihet: faqet, funksionet dhe çfarë na duhet nga ju. Pastaj vjen oferta, me çmim fiks dhe afat.
Dizajn dhe ndërtim
Dizajnin e miratoni ju para se të fillojë ndërtimi. Pastaj e ndiqni faqen çdo javë në një link privat.
Publikim dhe dorëzim
Lidhim domain-in, kontrollojmë çdo faqe në telefon dhe në kompjuter dhe e hedhim online. Llogaritë dhe kodi janë në emrin tuaj.


